ВОСПОМИНАНИЕ АДАМОВА ИЗГНАНИЯ / ПРОЩЁНОЕ ВОСКРЕСЕНЬЕ

proshchenoe_voskr

Изгнан бысть Адам из рая́ снедию, темже и седя прямо сего рыдаше, стеня́ умилительным гласом, и глаголаше: увы́ мне, что пострадах окаянный аз: едину заповедь преступих Владычню, и благих всяческих лишихся! Раю́ святейший, мене́ ради насажденный быв, и Евы ради затворенный, моли́ тебе сотворшаго, и мене создавшаго, я́ко да твоих цветов исполнюся! Темже и к нему Спас: Моему созданию не хощу́ погибнути, но хощу́ сему спастися, и в познание истины приити, яко грядущаго ко Мне не изгоняю вон.

Изгнан был Адам из рая из-за пищи (из-за вкушения запрещенного плода), и, сидя прямо перед раем, рыдал и стонал… Увы мне, как пострадал я, окаянный: я не соблюл одной заповеди Владыки и лишился всех благ! Рай святейший, ради меня насажденный, и ради Евы затворенный, моли тебя и меня Создавшего, чтобы я вновь наполнился твоими цветами. И отвечал ему (Адаму) Спаситель: я не хочу, чтобы погибло мое создание, но я хочу, чтобы оно спаслось и пришло к познанию истины, потому что приходящего ко Мне я не изгоню.(Стихира на стиховне)

Кондак Недели сыропустной

Премудрости Наставниче, смысла Подателю, немудрых Наказа́телю, и нищих Защи́тителю, утверди, вразуми́ сердце мое́, Владыко. Ты даждь ми слово, Отчее Слово, се бо устне мои не возбраню, во еже звати Тебе: Милостиве, помилуй мя падшаго.

Икос:
Се́де Ада́м тогда́ и пла́кася, пря́мо сла́дости рая́, рука́ма бия́ лице́, и глаго́лаше: Ми́лостиве, поми́луй мя, па́дшаго.
Ви́дев Ада́м а́нгела изри́нувша, и затвори́вша боже́ственнаго са́да дверь, воздохну́в вельми́, и глаго́ла: Ми́лостиве, поми́луй мя, па́дшаго.
Споболи́ раю́ стяжа́телю обнища́вшему, и шу́мом твои́х ли́ствий умоли́ Соде́теля, да не затвори́т тя: Ми́лостиве, поми́луй мя, па́дшаго.
Раю́ вседоброде́тельный, всесвяты́й, всебога́тый, Ада́ма ра́ди насажде́нный, и ра́ди Е́вы заключе́нный, умоли́ Бо́га о па́дшем: Ми́лостиве, поми́луй мя, па́дшаго.

Publicités